एजेन्सी । आईसीसी एकदिवसीय विश्वकप क्रिकेटमा आज एसियाका दुई टोली प्रतिस्पर्धा गर्दैछन् । लर्डस्मा पाकिस्तानले टस जितेको छ र पहिले ब्याटिङ गर्ने भएको छ ।
सेमिफाइनलको समिकरणमा कमजोर भएका दुबै टोली यस विश्वकपको अन्तिम खेल खेल्दैछन् । पाकिस्तानका लागि भने आजको खेल केही महत्वपूर्ण छ । किनकी पाकिस्तानको सेमिफाइनल पुग्ने अंक गणितिय सम्भावना भने जीवितै छ ।
बंगलादेश पछिल्लो समय सुधारिएको प्रदर्शन गरिरहेको छ । पाकिस्तानका लागि ओपनरमा राम्रो प्रदर्शन गर्ने खेलाडी नभएपनि मध्यक्रमका उत्कृष्ट ब्याटिङ गर्ने खेलाडी भने छन् । यता बंगलादेशका लागि शाकिब अल हसनले उत्कृष्ट प्रदर्शन गरिरहेका छन् ।
