विगतमा फैसला भई कैद र जरिवाना भुक्तानी नभएको असुल उपर गर्ने अभियान सञ्चालन भएपछि झापा जिल्ला अदालतमा एक महिनाको अवधिमा कुल दुई करोड ३८ लाख ९२ हजार रुपैयाँ जरिवाना असुल भएको जनाएको छ ।
झापा २०१० सालदेखि अहिलेसम्ममा एक हजार ८सय८४ थान मुद्दाबाट चार हजार ५०० वर्ष कैद र ३४ करोड रुपैयाँ जरिवाना असुल हुन बाँकी देखिएको थियो ।
लगभग तीन हजार व्यक्तिबाट कैद र जरिवाना असुलउपर गर्ने अभियान सञ्चालन भएपछि कात्तिक महिनामा २३ थान मुद्दाबाट जरिवाना र कैद ३९ वर्ष नौ महिना १३ दिन भुक्तान भएको अदालतका तहसिलदार विदुर नेपालले जानकारी दिनुभयो ।
वन मुद्दामा सात वर्षअघि छ महिना कैद र एक करोड ८८ लाख जरिवाना तोकिएको झापा टागनडुब्बाका उपेन्द्र चौधरी घरमै लुकिरहेको अवस्थामा अभियानमा संलग्न प्रहरीले पक्राउ गरी जेल चलान गरिएको छ ।
.............
