काठमाडौं । एसियन पेन्ट्स नेपालले रोयल हेल्थ शिल्ड इन्टेरियर इमल्सन पेन्ट्स सार्वजनिक गरेको छ । यसले कीटाणूहरू मार्ने, घरभित्र रहेको दुर्गन्धलाई सोसेर हावालाई शुद्ध गर्नेलगायतका असाधारण विशेषताहरूयुक्त भएको दाबी गरिएको छ । यो पेन्टबाट फूलको वास्ना पनि उत्सर्जित हुने जनाइएको छ ।
यो उत्पादनमा ‘सिल्भर आयन’ प्रविधि रहेको छ, जसले ९९ प्रतिशतसम्म संक्रमण उत्पन्न गर्ने ब्याक्टेरियाहरूलाई मार्छ, जब तिनीहरू भित्तामा पुग्छन् ।
यो पेन्टले आफ्नो नवीन आविष्कारयुक्त ‘फर्माल्डिहाइड एबेटमेन्ट’ विशेषताका माध्यमबाट हावालाई शुद्ध गर्ने कम्पनीको दाबी छ ।
