काठमाडौं : आइतबार सुन तोलामा ५ सयले घटेको छ। शुक्रबार १४ सयले घटेर तोलाको ७२ हजार रुपैयाँमा कारोबार भएको सुन आज ७१ हजार ५ सय रुपैयाँमा कारोबार भइरहेको नेपाल सुन चाँदी महासंघले जनाएको छ।
यस्तै बिहीबार सुन तोलामा १ सय रुपैयाँले घटेर ७३ हजार ४ सय रुपैयाँमा कारोबार भएको थियो। बुधबार भने १ हजार रुपैयाँले बढेर ७३ हजार ५ सय रुपैयाँमा किनबेच भएको थियो।
यस्तै चाँदीको मूल्यमा पनि सामान्य गिरावट आएको छ।आज चाँदी प्रतितोला ८८५ रुपैयाँमा कारोबार भइरहेको छ।
शुक्रबार भने चाँदी तोलाको ९ सय रुपैयाँमा कारोबार भएको थियो।नेपाली बजारमा एक महिनादेखि सुनको भाउमा उतावचढाव भइरहेको छ।
