काठमाडौं । कृषि विकास बैंकबाट डेढ करोड रुपैयाँ लुटिएको छ । सिरहाको लहान शाखाबाट काठमाडौं ट्रान्सफर गरेर रकम निकालेको पाइएको छ ।
एकजना उच्च प्रहरीले दिएको जानकारी अनुसार ह्याकरले कृषि विकास बैंकमा खाता हुने व्यक्तिको खोजी गरेका थिए । खाता हुने व्यक्तिलाई १० प्रतिशत कमिशन दिने भन्दै लोभ्याइएको थियो । त्यो खातामा ह्याकरले सिस्टम ह्याक गरेर रकम ट्रान्सफर गरिदिए । खातावालाले त्यो रकम काठमाडौंबाट निकाले । १० प्रतिशत कमिशन कटाएर उनीहरुलाई बाँकी रकम फिर्ता गरिदिए ।
प्रहरीले भारतीयले नेपाली युवालाई प्रयोग गरेको देखिएको प्रारम्भिक अनुसन्धानबाट खुलेको छ । अहिलेसम्म १० जना पक्राउ परेका छन् । उनीहरुको साथबाट ३१ लाख रकम बरामद भएको प्रहरीले जानकारी दिएको छ ।
