काठमाडौं, कात्तिक १३ गते । बङलादेश क्रिकेट टिमका अलराउन्डर शकीब अल हसनमाथि भ्रष्टाचार मुद्दामा लागेका तीनवटा अराेप सकारे पछि उहाँलार्इ दुर्इ वर्षसम्म कुुनै पनि खेलमा सहभागी हुन नपाउने गरी प्रतिवन्ध लगाएकाे छ । उहाँलाइ अन्तर्राष्ट्रिय क्रिकेट काउन्सिल आईसीसीले भ्रष्टाचार सम्बन्धी अाचार संहिता पालना नगरेकाे अाराेपमा साे प्रतिवन्ध लगाएकाे हाे ।
शकीब उहाँ बङलादेश टी ट्वान्टी र टेष्ट टिमका कप्तान समेत हुनुहुन्छ । उहाँ अन्तर्राष्ट्रिय क्रिकेट काउन्सिल आईसीसीको अलराउन्डर खेलाडीको प्रदर्शनमा विश्व वरियतामा टेष्ट क्रिकेटमा तेस्रो, अन्तर्राष्ट्रिय एकदिवसियमा पहिलो र टी ट्वान्टीमा दोस्रो स्थानमा हुनुहुन्छ ।
अन्तर्राष्ट्रिय क्रिकेट काउन्सिल आईसीसीको भ्रष्टाचार विरोधी इकाईले कप्तान शकीबमाथि अनुसन्धान गरिरहेको थियाे । म्याच फिक्सबारे बिचौलियाले प्रभावमा ल्याउन गरेको प्रयासबारे शकीबले आईसीसीलाई जानकारी नगराएको दाबी गरिएको थियाे ।
