ओखलढुङ्गामा हिजो भएको ट्याक्टर दुर्घटनामा थप एक जनाको मृत्यु भएको छ । यो सँगै उक्त दुर्घटनामा मृत्यु हुनेको संख्या पाँच पुगेको प्रहरीले जनाएको छ ।
दुर्घटनामा गम्भीर घाइते भएका सिद्धिचरण नगरपालिका १ का दीपक विशंखेको उपचारको क्रममा सामुदायिक अस्पताल मिसन सोब्रूमा निधन भएपछि मृतकको संख्या पाँच पुगेको प्रहरी नायब उपरीक्षक डम्बरबहादुर विकले जानकारी दिनुभयो । हिजो सिद्धिचरणमा पर्ने वर्णालुको वनपाले भीरमा स १ त ३०४६ नम्बरको ट्याक्टर पल्टिँदा घटनास्थलमै तीन र एक जनाको जिल्ला अस्पताल रुम्जाटारमा मृत्यु भएको थियो । सानीटारबाट रुम्जाटार पराल लिन गइरहेको ट्याक्टर सडकबाट करिब छ सय मिटर तल खसेको थियो ।
