सार्वजनीक स्थानमा धुम्रपान गर्न कानुन वनाएरै निषेध गरिएको भएपनि धेरै स्थानहरुमा व्यावहारिक कार्यन्वयन भएको नपाईए पनि विराटनगर १४ नील सदनमा रहेका एक चिया नास्ता पसलका दम्पती मनोज शर्मा र सुनिता शर्माले भने आफनो पसलमा धुम्रपान निषेध गरेर अनुकरणीय कार्य गरेका छन ।
एउटा सटर भाडामा लिएर चार चार जना वस्न मिल्ने ३ वटा टेवुल राखेर चिया र आलु परौठा मात्रै वेच्दै आएका ती दम्पत्तिले आफनो पसलभित्र कसैलाई पनि धुम्रपान गर्न दिदैनन । पसलभित्र धुम्रपान निषेध गराउन लागिपरेका उनीहरुकोमा चिया नास्ता खान जाने ग्राहकहरु कसैले पनि पसलको टेवलमा वसेर धुम्रपान गर्न पाउँदैनन । धुम्रपान गर्नेहरुले पसल वाहिर नगै धरै पाउँदैनन ।
चिया नास्ता पसललाई धुम्रपान गरेर गफ चुटने केन्द्र पनि भन्नेगरिन्छ । धेरै चिया नास्ता पसलेहरुले ग्राहकको सन्तुष्टिकालागि भन्दै चुरोट मात्रै नभएर खुटखा र अर्को सुर्तिजन्य अम्मल खैनी समेत राखेर वेच्ने गर्दछन । तर चारवर्ष देखी होटल संचालन गर्दै आएका मनोज र सुनिताले भने पसलमा चुरोट गुटखा र खैनी केही पनि वेच्ने गरेका छैनन । नत उनिहरु वाहिरवाट ल्याएर पसलभित्र चुरोट पिउन नै दिन्छन ।
पहिले पसलमा चिया पिउन आउनेहरुलाई उनीहरु सिगरेट पनि वेच्ने गर्दथे । तर धुम्रपान गर्ने युवाहरु सानो पसलमा घण्टौ वसेर गफ गरिदिने र चुरोटको धुवाँले गर्दा अन्य ग्राहकहरु पनि भागीदिन थालेपछि दम्पत्तिमिलेर चुरोट वेच्न वन्द मात्रै गरेनन , कसैले पनि पसलभित्र वसेर चुरोट पिउन नपाउने उर्दी नै जारी गरे । यसकालागि उनीहरुले पसलको भित्तामा धुम्रपान निषेध भनेर कागजमा लेखेर टाँसेका छन । र उक्त्त नियम दुवैजना मिलेर कडाईकासाथ लागू पनि गराएका छन ।
कसैले आफैले ल्याएको चुरोट सल्काएर पिउन थालेपनि उनीहरु कडा प्रतिवाद गर्दै वाहिर गएर पिउन आग्रह गर्ने गर्दछन । मनोज र सुनिता भन्छन , पहिले त धेरै जनासँग भित्र धुम्रपान नगर्न भन्दा झगडा नै परयो तर अव त नियमीत ग्राहकहरु वानी परिसकेका छन । ,, उनीहरुका अनुसार पसलभित्र धुम्रपान पुर्णरुपमा निषेध भएपछि आजकल नयाँ नयाँ ग्राहक पनि आउन थालेका छन र पसलको विक्रि पनि वढेको छ । ,, उनिहरुकोमा कलेज पढने विद्यार्थी , पसल र ईन्स्टिच्युटमा काम गर्ने कर्मचारीहरु चिया नास्ता खानकालागि आउने गर्दछन ।
