इस्ट आइटि कम्युनिटिको आयोजना तथा साझा प्रकाशनको बृहत पुस्तक प्रदर्शनीको अवसरमा नेपाली साहित्य र इन्टरनेट विषयक वेबिनार (इन्टरनेटको माध्यमबाट गरिने सेमिनार) सम्पन्न भएको छ ।
कार्यक्रममा अनुप न्यौपानेले नेपाली साहित्य र इन्टरनेटको अवस्था तथा परिचय प्रस्तुत गरेका थिए । यसै गरि ब्रुनाइबाट विश्वादिप तिगेलाले शिर्षकमा कार्यपत्र प्रस्तुत गरेका थिए जसमा रसियाबाट साहित्यकार मधुमाधुर्यले टिप्पणी गरेका थिए ।
कार्यक्रममा काठमाडौबाट प्रमुख अतिथि गितकार रमेश पौडेल र कार्यक्रम सभापति इस्ट आइटि कम्युनिटिका अध्यक्ष चिरञ्जीवि लम्साल इन्टरनेटको सहायतामा उपस्थित भएका थिए । कार्यक्रममा दर्शक तथा साहित्यकार खेम नेपालीले प्रविधिको प्रयोगले मानिस यन्त्र मानव बन्दै गएको त हैन भन्ने शंका व्यक्त गरेका थिए । यद्यपी उनले कार्यक्रमको सह्राहना गर्दै कार्यक्रमले इन्टरनेट र नेपाली साहित्यको क्षेत्रमा नयाँ सुरुवात गरेको बताए ।
कार्यक्रममा विश्वभरका साहित्यकारहरुलाइ स्काइपको मदतबाट एकै स्थानमा उपस्थित गराइएको थियो भने कार्यक्रम स्थलमा दुइवटा प्रोजेक्टर राखेर उपस्थित दर्शकमाझ देखाइएको थियो । कार्यक्रमको विश्वभर प्रत्यक्ष प्रशारण इस्ट आइटि कम्युनिटिको वेबसाइटका साथै आवर विराटनगर डटकमबाट गरिएको थियो ।
कार्यक्रममा प्रस्तुत कार्यपत्र पढ्न यहाँ क्लिक गर्नुहोस
