नेपाल र फिनल्यान्ड सरकारको संयुक्त सहयोगमा मोरङको डंग्राहामा निर्माण गर्न लागि आएको फीनल्यान्ड सरकारको ४४ लाखको फोहोर मैला प्रशोधन केन्द्र परियोजना सहयोग स्थानीयवासीको अवरोध पछि फिर्ता भएको छ । नेपालका लागि फिनल्यान्डका राजदुत एसको लुकाडेनले बुधबार विराटनगरमा पत्रकार सम्मेलन गरि परियोजना फिर्ता गएको औपचारिक घोषणा गरेका हुन् । उनले स्थानियवासीले परियोजना स्विकार नगरेकाले फिर्ता गएको बताए । फिनल्याण्ड सरकारको ४४ करोड तथा नेपाल सरकारको १३ करोडको कुल ५७ करोडको लागतमा तयार गर्ने भनिएको उक्त परियोजनाका लागि विराटनगर उपमहानगरपालिकाले डंग्राहा ५ मा २६ बिघा ९ कठ्ठा जग्गा खरिद गरेको थियो । परियोजनाले दुर्गन्ध फेलाउने आशंका कै भरमा स्थानीयवासीले त्यसको विरोध गर्दै आएका थिए ।
