निर्वाचनमा कर्मचारी खटिएपछि विराटनगस्थित कोशी अञ्चल अस्पतालको सेवा पनि प्रभावित हुन थालेको छ । मंसिर ४ गते हुने दोस्रो संविधानसभा निर्वाचनमा अस्पतालका सबै १ सय ३७ जना कर्मचारी खटाइएपछि अस्पतालको अत्यावश्यक सेवामा समेत असर परेको अस्पताल प्रशासनले जनाएको छ । शल्यक्रिया विभाग प्रमुख अजिता वरालका अनुसार शल्यक्रियाका लागि खटाइने सहयोगी कर्मचारी नभएपछि दुई दिनयता बिरामीलाई अन्य अस्पतालमा पठाउन थालिएको छ ।
