भारतबाट अवैध रुपमा नेपाल भित्राउदै गरेको ३ हजार २ सय केजी जिउँदो मुङग्री माछा आज विराटनगर – १८ बाट प्रहरीले बरामद गरेको छ । सशस्त्र प्रहरी बल सीमा सुरक्षा कार्यालय रानी विराटनगरको प्रहरी सहायक निरीक्षक यामलाल श्रेष्ठको कमाण्डमा खटिगएको गस्ती टोलीले भन्सार छली विराटनगरको बजार तर्फ ल्याएको २ लाख ५६ हजार मुल्य बरावरको माछा बरामद गरेको हो । बरामद गरेको माछा आवश्यक कारर्बाहीको लागि विराटनगर भन्सार कार्यालय रानीमा बुझाईएको प्रहरीले जनाएको छ ।
