जिल्ला अनुगमन समितिले विराटनगरको गुद्री बजारबाट खसीको मासु भन्दै बाख्राकोमासु विक्रि गर्ने एक जनालाई मासु सहित पक्राउ गरेको छ । विराटनगर उप–महानगरपालीकाका कर्मचारी हिरालाल यादवका अनुसार अनुगमन टोलीले विहिवार विराटनगरको गुद्री स्थित ईसराइ खसी मासु पसलबाट पसल सञ्चालक ईन्जार मियाँ सहित बिस किलो बाख्राको मासु पक्राउ गरेको हो ।
अनुगमन टोली पसल अगाडी आएको थाहापाएपछि भागेका मियाँलाई प्रहरीले शंका लागी लखेटेरे पक्राउ गरेको हो । अनुगमन टोलीले पसलमा विक्री गर्न राखीएको बाख्राको मासु समेत नियन्त्रणमा लिएको छ । अनुगमन टोलीमा विराटनगर उप–महानगरपालीका, गुणस्तर तथा नापतौल क्षेत्रीय कार्यालय , जिल्ला पशुसेवा कार्यालय , जिल्ला प्रहरी कार्यालय, उपभोक्ता मञ्च विराटनगरका प्रतीनिधिहरु रहेका थिए । त्यसगरि बाणिज्य कार्यालय विरराटनगरका प्रमुख नयराज नेपालका अनुसार क्षेत्रीय खाद्य प्रविधि तथा गुण नियन्त्रण क्षेत्रीय कार्यालय , उपभोक्तावादी संघसंस्थाका प्रतिनिधि रहेको अनुगमन टोलीले मोरङको बेलबारी र विराटनगरमा दुई दर्जन पसलहरुमा गरेको अनुगमनमा हजारौं रुपैयाँ मुल्य बराबरको उपभोग्य मिति समाप्त भएका तेल, सोयाविन, घिउ , पेप्सीकोला, फेन्टा,स्प्राइट,डेउ , कोकाकोला, डाबर गुल्कोज डि, पाईनपल फ्रुट, रियल जुस, फिनेल, स्प्राईट , सुर्ति नस्ट गरेको छ । अनुगमन टोलीले वेलवारीका मुकेश स्टोर, अर्जुन किराना स्टोर , विराटनगरका विशाल स्टोर, बालाजी डेरी, राजेश किराना एण्ड जेनरल स्टोर , आरती किराना पसल , गाणेश किराना भण्डार लगायतका पसलमा अनुगमन गरेको थियो ।
त्यस्तै विराटनगर–१३ सोमवारेमा स्थित क्षेत्रीय खाद्य प्रविधि तथा गुण नियन्त्रण कार्यालय खाद्य निरीक्षक भरत पुरीको नेतृत्वमा गएको अनुगमन टोलीले हजारौं मुल्य बराबरको खाद्य सामाग्री नस्टगरेको छ । नष्ट गरेको सामानमा कस्तुरी घिउ , स्प्राईट, रियल जुस, डाबर गुल्कोज डी लगायतका समान नस्ट गरेको सो कार्यालयले जनाएको छ । महान चाडपर्व नजिकिएसंगै अनुगमन समितिले कालावजारी, गुणस्तरहिन सामान विक्री वितरण, मिसावट हुने अनुमान गरि बजार अनुगमनलाई जिल्ला ब्यापी रुपमा तिब्र बनाएको छ ।
