बिराटनगर,मङ्सिर ०५ : २५ औं अन्र्तराष्ट्रिय बालअधिकार दिवसको उपलक्ष्यमा विराटनगरमा रक्तदान कार्यक्रमको अयाोजना गरिएको छ ।
बालबालिका तथा महिला हिंसाको क्षेत्रमा काम गर्ने सिविन,कोकन र पुर्वाञ्चल मानवअधिकार सञ्जालले संयुक्तरुपमा रक्तदान कार्यक्रमको आयोजना गरेका हुन । आवश्यक परेकोबेला हिंसामा परेका बालबालिका तथा महिलाहरुकालागि समेत रगतको समस्या झेल्नु पर्ने अवस्था रहेकाले कार्यक्रमको आयोजना गरिएको कोकनकी मंजिता उपाध्यायले जानकारी दिनुभयो । कार्यक्रममा आयोजक संघसंस्थाका पदाधिकारी सहित सर्वसाधारणले रक्तदान गरे । कार्यक्रमबाट १५ पीन्ट रक्त संकलन भएको छ ।
