काग्रेस निकट तरुण दल नगरसमितिले विराटनगर स्थित कोशी अञ्चल अस्पताललाई सरसफाई सामग्री हस्तान्तरण गरेको छ ।
मोरङ काग्रेसका सभापति तथा सभासद अमृत अर्यालले अस्पतालका कामु मेडिकल सुपरिटेन्डेन्ट टंक बाराकोटीलाई कुचो, डस्टबिन लागयतका सफाईका सामग्री हस्तान्तरण गर्नुभएको हो । अस्पताललाई २४ थान ड्रम, १५ वटा कुचो र १४ वटा डस्मिन लगायतका सामग्री प्रदान गरिएको छ । सो अवसरमा सभासद अर्यालले आफुहरु सदैव सरकारी अस्पतालको सेवा प्रभावकारी बनाई अस्पतालको सुधारको लागि प्रयासरक्त रहेको बताउनुभयो । अवसरमा अस्पतालका मेसु बाराकोटीले विभिन्न क्षेत्रवाट अस्ताललाई सहयोग निरन्तर आवश्क रहेको बताउदै सहयोगले आफुहरु उत्साहित भएको बताउनुभयो । कार्यक्रममा तरुण दल केन्द्रीय सदस्य लक्ष्मी खतिवडा, जिल्ला अध्यक्ष सञ्जय थापा र नगरअध्यक्ष सन्तोष न्यौपानेको उपस्थिती रहेको थियो ।
