लागु औषध दुव्र्यसनी विरुद्ध जनचेतना जगाउने उदेश्यले यातायात र होटलका श्रमीकहरुलाई सचेत गराउन प्रहरीले विराटनगरमा सचेतना कार्यक्रम गरेको छ ।
वडा प्रहरी कार्यालय(क) बिराटनगरले नेपाल यातायात स्वतन्त्र मजदुर संगठन बिराटनगर र होटल व्यवसायी संघ बिराटनगरसँगको समन्वयमा आज विराटनगर बसपार्कमा यातायात श्रमिक तथा होटल श्रमिकहरूको लागि लागुऔषध, सवारी दुर्घटना न्युनिकरण तथा नागरिक सुरक्षा सम्बन्धि खुल्ला सचेतना कार्यक्रमको आयोजना गरेको हो ।
कार्यक्रममा वडा प्रहरी कार्यालयका(क)बिराटनगरका प्रहरी निरीक्षक गोविन्द राज काफ्लेले सुरक्षा सम्बन्धी जानकारी गराउनु हुदै लागु औषध प्रयोगबाट पर्न सक्ने असर र दुस्परिणामको बारेमा जानकारी गराउनु भएको छ ।
कार्यक्रममा सचेतनामूलक सन्देश र लागुऔषध सम्बन्धि चेतना मूलक भिडीयो समाग्री समेत प्रस्तुत गरिएको थियो । कार्यक्रममा यातायात क्षेत्र, होटल व्यवसायसँग सम्बन्धित करिब २सय श्रमीकहरुको सहभागीता रहेको थियो ।
