यौन दुव्र्यवहार सहितका विभिन्न हिंसाजन्य अपराधिक गतिविधिहरुबाट किशोरीहरु प्रताडित हुनु परेको विराटनगरमा आयोजित एक कार्यक्रममा सहभागि किशोरीहरुले वताएका छन ।
लैंगिक हिंसा विरुद्धको १६ दिने अभियानको अवसरमा किशोरी संरक्षणका लागि नागरिक समाज सञ्जाल मोरङ र सिविन विराटनगरले आयोजना गरेको अन्तरसंवाद कार्यक्रममा उनीहरुले सो गुनासो गरेका हुन । किशोरीहरुले वाटो, सार्वजनिक स्थान र अस्पतालहरुमा समेत दुव्र्यवहार सहनु परेको गुनासो पोखे ।
दुव्र्यवहारमा परेका किशोरीलाई समाजमा नराम्रो दृष्टिकोणले हेर्ने गरिएको उनीहरुले बताए । कार्यक्रममा मुख्य न्यायाधीश शेखर पौडेलले महिला हिंसाको बिषयमा अदालत संबेदनशिल रहेको बताउनु भयो ।
प्रमुख जिल्ला अधिकारी गणेशराज कार्कीले भने परम्परागत समाजका कारण कतिपय किशोरीहरुले घटना वाहिर ल्याउन नसकी सहेर वस्नु पर्ने अवस्था रहेको वताउनु भयो । कार्यक्रममा जिल्ला वार एसोसिएसनका अध्यक्ष विनयराज पाण्डे, स्थानीय विकास अधिकारी नारायण मैनाली, सिविन नेपालकी विष्णु पौडेल, किशोरी संरक्षणका लागि नागरिक समाज सञ्जालकी विष्णु शर्मा लगायतले बोल्नुभयो ।
