तेश्रो एनएमबी बैंक अन्तर बिद्यालय पुर्वाञ्चल स्तरिय हेरिटेज पेन्टिङ प्रतियोगिता बिराटनगरमा सम्पन्न भएको छ ।
बिराटनगरको गुरुकुलमा आयोजित प्रतियोगितामा नेपालको सम्पदालाई बिद्यार्थीले पेन्टिङ गर्दै तस्विरमा उतारेका थिए । बैकले संस्थागत सामाजिक दायित्व सम्पदा संरक्षणको क्षेत्रमा योगदान दिने उद्देश्यले क्षेत्रीय स्तरको प्रतियोगिताको आयोजना गरिएको आयोजकको भनाई छ । बैङ्कका विराटनगर शाखा प्रबन्धक राजेश तिम्सिनाले पहिले काठमाण्डौमा मात्र हुने प्रतियोगितामा तिनबर्ष देखि क्षेत्रीय स्तरमा प्रतियोगिताको आयोजना गरि काठमाण्डौले उत्कृष्ट ५ जनालाई पुरस्कार दिने जानकारी दिनुभयो । प्रतियोगितामा बिराटनगर, धरान र विर्तामोडबाट प्रतियोगि सहभागि थिए । २० छात्रा र १७ छात्र सहभागी प्रतियोगितामा ३७ वटा बिद्यालयका बिद्यार्थीको सहभागिता रहेको थियो । प्रतियोगिताबाट उत्कृष्ट ५ जनालाई नगद २० हजारका दरले पुरस्कृत गरिने आयोजकले जनाएको छ । प्रतियोगिताको अन्तिम परिणाम बैकको हेरिटेज वाक २०१५ का अवसरमा घोषणा गरिने छ ।
