विराटनगर २९ सोमबार । यूवा अभियान विराटनगरको आयोजनामा यूवा वर्गलाई लक्षित गरी नागरिकता प्रमाणपत्र प्रप्त गर्ने प्रकृया सम्बन्धी दुई दिने तालिम सुरु भएको छ ।
विराटनगरमा सोमबारदेखी सुरु भएको तालिममा विराटनगरका १५ युवा विद्यर्थीहरुको सहभागिता रहेको छ । उक्त तालिमको सहजिकरण युवा अभियान काठमान्डौका कार्यक्रम संयोजक विशाल राईले गर्नुभएको छ ।
पछिल्लो समयमा नागरिकता लिन जांदा झन्झटिलो हुने गरेको जनगुनासो आउन थाले पछी तालिमको आयोजना गरिएको युवा अभियान विराटनगरका संयोजक हेमन्त परासरले जानकारी दिनुभयो । तालिममा नागरिकताको महत्व । प्राप्त गर्ने आधार र प्रकृयाकाबारेमा जानकारी गराईएको संयोजक परासरले बताउनुभयो । तालिम २ दिन सम्म चल्नेछ ।
