विराटनगरमा रहेको खानेपानीको समस्या समाधानको लागी २० करोड रुपैयाँबढिको योजना सुरु हुने भएको छ । खानेपानीलाइ व्यवस्थित तथा विस्तार गर्न विराट खानेपानी तथा सरसफाइ उपभोक्ता समिति मानगढ र नेपाल सरकार विच सहलगानी योजना सम्झौता कार्यान्वयनका लागी हस्ताक्षर भएको विराट खानेपानीका अध्यक्ष रामबहादुर घिमिरेले बताउनु भयो ।
विराट खानेपानीलाइ थप व्यवस्थित गर्न नेपाल सरकारको तर्फवाट खानेपानी सरसफाइ डिभिजन कार्यालय विराटनगर र विराट खानेपानी विच २० करोड ५० लाख सम्झौता भएको हो । जसमा उपभोक्ता समितिको ३० प्रतिशत र वाँकी ७० प्रतिशत नेपाल सरकारको लगानी रहने छ ।
खानेपानी सरसफाइ कार्यालयका इन्जिनियर मोहनवहादुर कार्की र विराट खानेपानीका अध्यक्ष राम वहादुर घिमिरेले सह लगानी योजना सम्झौतामा हस्ताक्षर गर्नु भएको हो । विराटनगर–४ मा रहेको विराट खानेपनी लाइ व्यवथित गर्न डिप टुवेल, पानी प्रशोधन मेशिन, ओभरहेड जडानगरी ३७ किलोमिटर पाइप लाइन विछाउने सम्झौतापत्रमा उल्लेख गरिएको छ ।
विराट खानेपानीले उत्तरी विराटनगरका विभिन्न वडा, वैजनाथपुर तथा हात्तिमुढा गावीसका ३० हजार वासीन्दालाइ स्वच्छ खानेपानी उपलव्ध गराउदै आएको छ ।
योजनाको काम सम्पन्न भएपछी थप ६ हजार तिन सय वासिन्दालाइ खानेपानी पुग्ने बताइएको छ । सात महिना पछि २०७२ साउन बाट सुरु हुने योजना दुई वर्षमा सम्पन्न गर्ने लक्ष्य रहेको छ ।
..............
