विश्व साइकलयात्री एवं सगरमाथा आरोही पुष्कर शाहका अनुभव समेटिएको ‘संसारलाई साढे पाच फन्को’ पुस्तकमाथि आज विराटनगरमा परिचर्चा गरिएको छ । पुस्तकको चर्चा गर्दै साहित्यकार तथा समालोचकहरुले नेपाल र नेपालीहरुलाई विश्व सामु चिनाउन पुस्तक सफल हुन सक्ने बताएकाछन् ।
वाणी प्रकाशनले आज विराटनगर स्थित आरोहण गुरुकुलमा आयोजना गरेको अन्तरक्रिया एवं हस्ताक्षर कार्यक्रममा पुस्तकको परिचर्चा गर्दै समालोचकहरुले पुस्तक रोचक र सुन्दरताको खोजिमा आएको नया कृति सावित भएको बताए । पुस्तकका विषयवस्तुमा चर्चा गर्दै प्राध्यापक डाक्टर टंक न्यौपानेले पुस्तकमा सामाजिक, राजनितिक विसंगति र विभिन्न देशको संस्कृतिलाइ समेटिएको बताउनुभयो ।
कवि तथा समालोचक मिश्र वैजयन्तीले पुस्तक संघर्षपुर्ण ररोचक रहेको बताउदै संसारलाई चिन्ने उच्छुकहरुले शाहको पुस्तक अवश्य पढ्नुपर्ने बताउनुभयो .
त्यस्तै कार्यक्रममा बोल्दै पत्रकार तथा कवि मिनकुमार नवोदितले पुस्तक रोमाञ्चक र विवशको एनाको रुपमा रहेको भन्दै सबैले एक पटक पुस्तक पढ्नै पर्नेमा जोड दिनुभयो ।
मोरङका प्रमुख जिल्ला अधिकारी गणेशराज कार्कीले साइकलमा विश्व घुम्ने र त्यसलाइ पुस्तकका उतार्ने साहस र योग्यता प्रशंसा योग्य रहेको बताउनुभयो । उहाले पुस्तक अंग्रेजी भाषामा पनि प्रकाशन गर्न सके विश्व सामु नेपाल र नेपालीहरुको साहसलाइ पहिचान गराउन सकिने बताउनुभयो ।
कार्यक्रममा बोल्दै विश्व साइकलयात्री एवं सगरमाथा आरोही पुष्कर शाहले पुस्तकमा आफुले लेखेका हरेक शब्दमा सत्यता रहेको बताउदै पुस्तकमा सपना, सफलता र इच्छाशक्तिको कथा समेटिएको बताउनुभयो ।
पुस्तकको प्रबद्र्धन तथा पाठकस“ग अन्तरक्रिया गर्न विश्व साइकलयात्री पूर्वाञ्चल भ्रमणमा रहेको अवसर पारेर कार्यक्रमको आयोजना गरिएको हो । कार्यक्रममा विश्व साइकलयात्री शाहले विश्व भ्रमणको अनुभवसमेत सुनाउनुभएको थियो । आफ्नी आमाले दिएको १ सय रुपैयाँबाट शाहले २०५५ सालमा साइकल यात्रा सुरु गर्नुभएको थियो । उहाँले २ लाख २१ हजार किलोमिटर दूरी तय गरी १ सय ५० मुलुकको भ्रमण गरिसक्नुभएको छ भने संसारभरिका झण्डा बोकेर २०६७ साल जेठ ४ मा विश्वको सर्वोच्च शिखर सगरमाथाको समेत सफल आरोहण गरिसक्नुभएको छ ।
