पूर्वक्षेत्रीय प्रहरी कार्यालय बिराटनगरले प्रहरी नागरिक हातेमालो कार्यक्रम अन्तर्गत आज बिराटनगर १३ स्थित कोशी बिधा मंदिर बोर्डिङ स्कुलमा एक चेतनामुलक कक्षा सञ्चालन गरेको छ ।
पूर्व क्षेत्रीय प्रहरी तालिम केन्द्र रानी बिराटनगरका प्रहरी निरीक्षक लक्ष्मी भण्डारी, प्रहरी नायव निरीक्षक संजय न्यौपाने, शान्तिदूत ओम राज पौडेल, हेमराज दाहाल लगायतकाको टोलीले स्कुलको कक्षा ८ मा अध्ययनरत ५४ जना छात्ररछात्राहरुलाई चेतनामुलक प्रशिक्षण दिनु भएको हो ।
बिधार्थीहरुलाई सवारी दुर्घटना न्युनीकरण, लागुऔषध, मानवअधिकारको संरक्षण, अपराध अनुसन्धान, घरेलुहिंसा र सामुदायिक प्रहरीको बारेमा चेतनामुलक प्रशिक्षण दिईएको छ । समाजमा फैलिएका बिकृति बिसंगतिलाई नियन्त्रण गर्न बिधार्थी मार्फत चेतना बिस्तार गर्ने उदेश्यले कार्यक्रमको आयोजना गरिएको हो ।
