एकीकृत नेकपा माओवादीका वरिष्ठ नेता डाक्टर बाबुराम भट्टराईले १० अर्ब दिए माओवादीले आन्दोलन रोक्छ भन्ने एमाले अध्यक्ष केपी शर्मा ओलीको आरोपको प्रतिवाद गर्नुभएको छ । राजधानीमा भएको कार्यक्रममा नेता भट्टराईले ओलीको भनाइलाई ‘कागले आफ्नो नाम आफैं काढेको’ संज्ञा पनि दिनुभयो ।
उहाँले संसारमा सबै कुरा पैसाले किन्न सकिन्छ भन्ने कुख्यात सिद्धान्त ओलीको मौलिक आविस्कार नभएर दलाल तथा नोकरशाही पूजीपति वर्गको पुरानै जाने माने सिद्धान्तको भद्दा सुगा रटाइ मात्र भएको बताउनुभएको छ । भट्टराईले ओलीको नेतृत्वमा पार्टी कसरी तीव्र गतिमा प्रतिगमनको मतियार बन्दैछ भन्ने बुझ्न एमाले नेताहरुलाई आग्रह गर्नुभएको छ । एमाले अध्यक्ष ओलीले हिजो राजधानीमा आयोजित एक कार्यक्रममा एमाओवादीलाई पैसामा बिक्ने पाटी भन्दै १० अर्ब दिए आन्दोलन रोक्ने दाबी गर्नुभएको थियो ।
