विराटनगरमा सुरु भएको विराट गोल्ड कपको बिहिवार भएको उद्घाटन खेलमा जगदम्बा लुम्बिनी फुटबल क्लब रुपबन्देही विजयी भएको छ ।
मोरङ फुटबल क्लबलाइ पेनाल्टी सुटआउटमा ४–३ गोल अन्तरले पराजित गर्दै लुम्बिनी फुटबल क्लब विजयी भएको हो ।
निर्धारित समयमा दुवै तर्फबाट समान १-१ गोलको बरार भएपछि ३० मिनेट पछि धकेलिएको थियो । ३० औ मिनेटमा पनि गोल हुन नसकेपछि खेल ट्राईब्रेकरमा भएको थियो ।
खेलको ७२ औ मिनेटमा मोरङ फुटवल क्लवको तर्फबाट सन्तोष चौधरीले गोल गरेका थिए । चौधरीले ६३ औ मिनेटमा टेकबहादुर लिम्बुको स्थानमा मैदान प्रवेश गरेका थिए । त्यसको ८ मिनेटपछि जगदम्बा लुम्बीनीका अनिल गुरुङले गोल गरी बरावरीमा ल्याएका थिए । लुम्बिनिका विश्वास श्रेष्ठको पासमा सदुपयोग गर्दै अनिलले गोल गरेका थिए ।
पेनाल्टी सुट आउटमा लुम्बिनीका विश्वास श्रेष्ठ, रवि सिलवाल, कालु थापा र लक्ष्मण रुचालले गोल गरेका थिए भने बर्सात गुरुङले गरेको प्रहार मोरङका गोल किपर किसोर गीरीले बचाएका थिए । मोरङका विवेक बस्नेत, सन्तोष चौधरी र सुरेन थापाले गोल गरेका थिए भने जसबहादुर राई र राज पौडयालको प्रहार लुम्बिनीका गोल किपरले बचाएका थिए । प्रतियोगिताको म्यान अफ द म्याच मोरङका विवेक बस्नेत घोषित भएका थिए ।
प्रतियोगिताको दोस्रो खेलमा त्रिभुवन आर्मी र ससत्र प्रहरी बलको एपिएफ टिम विच हुने आयोजकले जनाएको छ ।
फागुन ९ गते गतेसम्म सञ्चालन हुने प्रतियोगितामा ससत्र प्रहरी बल, त्रिभुवन आर्मी, मनाङमस्याङदी, थ्री स्टार ,नेपाल पुलिस क्लव, युनइटेड सिक्किम, झापा ११, जर्ज टेलिग्राफ कलकता, लुम्बिनी फुटवल क्लव र आयोजक मोरङ फुटवल क्लव सहित दश टीमको सहभागि छन् । प्रतियोगिताको पहिलो चरणमा पराजित हुने मिलाई ३० हजार, दोस्रो चरणमा पारजित हुनेलाई ७५ हजार र सेमी फाइनलमा पराजित हुने टिमलाई एकलाख प्रोत्साहन रकम प्रदान गर्ने आयोजकले जनाएको छ । प्रतियोगितामा म्यान अफ द सिरिजलाई टिभिएस मोटरसाइकल प्रदान गरिने छ ।
प्रतियोगिता सञ्चालन गर्न करिब ९० लाख रुपैया“ खर्च हुने अनुमान गरिएको छ । प्रतियोगिताको बिजेताले ५ लाख एक हजार तथा उपविजेताले ३ लाख एक हजार नगदसहित ट्रफी प्राप्त गर्नेछन्
