नेपाल पर्यटन बोर्डमा रिक्त रहेको प्रमुख कार्यकारी अधिकृत (सिइओ) पदका लागि दोस्रो पटक आवेदन मागिएको छ । बोर्डले १५ दिनको म्याद राखी बुधबार आवेदन मागेको हो । बोर्ड चार वर्षदेखि कार्यकारी प्रमुखबिहीन भएको छ । यसअघि पनि बोर्डले सिइओको पदपूर्तीका लागि आवेदन मागेको थियो ।
सिइओ छनौट प्रक्रिया पुनः अघि बढाउन बोर्डले यही जेठ १७ गते तीन सदस्यीय समिति गठन गरेको थियो । समितिमा पर्यटन मन्त्रालयका सहसचिव मोहन कृष्ण सापकोटा, बोर्डको कार्यकारी समितिमा निजी क्षेत्रबाट प्रतिनिधित्व गर्ने सदस्यहरु घनेन्द्र श्रेष्ठ र राजेन्द्र सापकोटा रहेका छन् । यसअघि सर्ट लिष्टमा परिसकेका उम्मेदवारले पुनः सिइओका लागि प्रतिस्पर्धा गर्न इच्छुक भए १५ दिनभित्र जानकारी गराउनुपर्ने समितिका अर्का सदस्य मोहनकृष्ण सापकोटाले बताए ।
.....................
