पूर्वमा ३८.२८, सुनसरीमा ४५.७६ प्रतिशत उर्तीण, एक्जाम्टेडतर्फ पूर्वमा ९.१० प्रतिशत मात्रै उर्तिण
गतवर्षको तुलनामा यसवर्षको प्रवेशिका (एसएलसी) परीक्षामा पूर्वको परीक्षाफल केही आशलाग्दो देखिएको छ । यसवर्ष पूर्व क्षेत्रमा ३८ दशमलव २८ प्रतिशत विद्यार्थी उर्तीण भएको क्षेत्रीय शिक्षा निर्देशनालय धनकुटाले जनाएको छ ।
जुन गतवर्ष भन्दा ४ दशमलव ५३ प्रतिशतले बढी हो । यसवर्ष नियमित तर्फ पूर्वबाट ९० हजार ५ सय ७६ विद्यार्थी सहभागी भएका थिए । जसमध्ये ३४ हजार ६ सय ७२ जना उर्तीण भएको निर्देशनालयका शाखा अधिकृत दीपक श्रेष्ठले बताए। पुनः परीक्षा तर्फको नतिजा सोचेभन्दा धेरै कम छ । पुनपरीक्षामा ४१ जहार ८ सय ४६ विद्यार्थी मध्ये मात्रै ३ हजार ८ सय १० विद्यार्थी उर्तिण भएका छन् । प्रतिशतमा ९ दशमलव १० प्रतिशत हो ।
पूर्वका १६ जिल्ला मध्ये झापा पहिलो नम्बरमा छ । त्यसो त गतवर्ष पनि झापा पहिलो नम्बर मै थियो । यसवर्ष ओखलढुंगा दोस्रो नम्बरमा छ । झापा ५५ दशमलव ८२ प्रतिशत उर्तिण भएका छन् भने ओखलढुंगामा ५१ दशमलव ०९ प्रतिशत विद्यार्थी उर्तिण भएको अधिकृत श्रेष्ठले बताए ।
उनका अनुसार ताप्लेजुङ २१.३२, पाचथर २६.०६, इलाम ३९.०२, संखुवासभा ३६.४२, तेह्रथुम २९.६०, धनकुटा २५.९४, भोजपुर १७.११, मोरङ ४९.४४, सुनसरी ४५.७६, सोलु ४४ं.०९, खोटाङ १६.०२, उदयपुर २५.९१, सप्तरी १९.४९ र सिराहा ३७.०३ प्रतिशत विद्यार्थी उर्तिण भएको निर्देशनालयले जनाएको छ । ‘यो प्रारम्भिक उर्तिण संख्या हो । वास्तविक आउन केही दिन लाग्छ ।’ अधिकृत श्रेष्ठले टेलिफोनसम्पर्कमा भने ‘हरेक जिल्लाको केही फरक पर्न सक्छ ।’
सुनसरीको नतिजा भने गतवर्ष झै रहेको शिक्षा कार्यालय सुनसरीले जनाएको छ । गतवर्ष ४५ दशमलव ७ प्रतिशत विद्यार्थी उर्तीण भएको सुनसरीमा यो वर्ष केही बढेको छ । यसवर्ष सुनसरीमा ११ हजार ५ सय १ जना विद्यार्थीले परीक्षा दिएको जिल्ला शिक्षा कार्यालयका जिशिअ रुद्र दुलालले बताए । जसमध्ये ५ हजार २ सय १७ विद्यार्थी उर्तीर्ण भएका छन् ।
उनका अनुसार सुनसरीमा विशिष्ट श्रेणी ३ सय ३६ जना, प्रथम ३ हजार १०, दोस्रो १ हजार ७ सय ८६ र तेस्रो श्रेणीमा ८५ जना उर्तिण भएका छन् । धरानको निजी विद्यालयको अधिकांसको नतिजा सतप्रतिशत रहेको छ । तर, सामुदायिक विद्यालयको हकमा भने सून्यप्रायः रहेको छ । धरानका अधिकांस सामुदायिक विद्यालयहरुमा नगन्य मात्रामा विद्यार्थीहरु उर्तिण भएको विद्यालयहरुले जनाएको छ । यता निजी विद्यालयका प्रिन्सिपलहरुका अनुसार सबैजसो विद्यालयको नजिता सतप्रतिशत रहेको जनाएको हो ।
Urlabaripage
