विराटनगर २२ असार ।
विराटनगर उपमहानगरपालिकाको सहयोगमा विराटनगर आँखा अस्पतालले विराटनगरको वडा नम्बर १६ मा आँखा शिविर सम्पन्न गरेको छ । विराटनगर–१६ स्थित नगर स्वास्थ्य केन्द्रमा सञ्चालन गरिएको आँखा शिविरमा १ सय १ जनाले आँखा परीक्षण गराएका छन् । विराटनगर आँखा अस्पतालका डाक्टर राहुल चौबेको नेतृत्वमा खटिएको टोलीले आँखाको परीक्षण गरेको हो । शिविरमा अधिकांशमा आँखा चिलाउने र पोल्ने समस्या देखिएको छ । शिविरमा आँखामा समस्या भएकाहरुका लागि निःशुल्करुपमा औषधि र चश्मा वितरण गरिएको छ । यसैगरी मोतियाबिन्दुको समस्या भेटिएका १९ जनाको विराटनगर आँखा अस्पतालले निःशुल्करुपमा शल्यक्रिया गर्ने बताइएको छ ।
