प्रबिन दाहाल
काठमाण्डौ असार २३
प्रमुख चार दलबीच विगतका नीति तथा कार्यक्रमलाई पनि निरन्तरता दिने सहमति भएको छ । प्रधानमन्त्री निवास बालुवाटारमा आज बसेको नेपाली कांग्रेस, नेकपा एमाले, एकीकृत माओवादी र फोरम लोकतान्त्रिकका शीर्ष नेताहरुको बैठकले सरकारको नीति तथा कार्यक्रम तथा आगामी बजेटमा विगतका नीति तथा कार्यक्रम र बजेटलाई समेत निरन्तरता दिने सहमति भएको हो । प्रधानमन्त्री सुशील कोइरालाको पहलमा भएको वार्तामा सरकारको नीति तथा कार्यक्रम र आगामी बजेटका विषयमा चार दलका शीर्ष नेताहरुले आ–आफ्नो भनाइ राखेका थिए ।
यसैबिच,
सरकारको आगामी आर्थिक वर्षको नीति तथा कार्यक्रम आज व्यवस्थापिका संसदमा पेश हुँदैछ । दिउँसो ३ बजे बस्ने संसदको बैठकमा राष्ट्रपति डा रामबरण यादवले सरकारको निती तथा कार्यक्रम प्रस्तुत गर्नु हुनेछ । नीति तथा कार्यक्रमलाई मन्त्रिपरिषद्ले पास परिसकेको छ । नीति तथा कार्यक्रममा भूकम्प प्रभावितको पुनःस्थापना र पुनःनिर्माणलाई उच्च प्राथमिकतामा राखिएको बताइएको छ ।
