मोरङ, आषाढ २४ गते।
मोरङको बिराटनगर २१ बाट आज बिहान लागुऔषधसहित दुई युवक पक्राउ परेका छन्।
पक्राउ पर्नेमा मोरङ बबियाबिर्ता ३ का मनिष कट्वाल र सुनसरी धरान नगरपालिका १४ का कमल सुनुवार छन्। उनीहरुलाई सिमा प्रहरी चौकी रानीका प्रहरीले बिराटनगर २१ स्थित हुलास मेटल चौकबाट आज बिहान ११ बजे पक्राउ गरेको हो। भारतीय जोगबनी बजारबाट आउदै गरेका उनीहरुकोसाथबाट चेकजाँचकाक्रममा ३० सेट लागुऔषध टिडिजेसिक ईन्जेक्सन बरामद भएको थियो।
दुबैलाई इलाका प्रहरी कार्यालय रानीमा राखि थप अनुसन्धान भइरहेको छ।
