विराटनगर भदौ ।
विराटनगरमा फेरि पनि जण्डिसको संक्रमण फैलन थालेको छ । महामारीकै रुपमा फैलिएको जन्डिसका कारण ११ जनाको ज्यान गुमाएको एक वर्ष पनि बित्न नपाउँदै फेरि विराटनगरमा जन्डिस देखापरेको हो । कोशी अञ्चल अस्पतालमा उपचारका लागि आएका बिरामीको रगत परीक्षणपछि जन्डिस फैलिएको पुष्टि भएको हो । जन्डिस लागेका मध्ये बालबालिका बढी छन् । कोशी अञ्चल अस्पताल विराटनगरका मेडिकल सुपरिटेन्डेन्ट डा. रोशन पोखरेलले अस्पतालमा मात्र दैनिक उपचार र स्वास्थ्य परीक्षणका लागि आउनेमध्ये ठूला मानिस र बालबालिका गरेर १० देखि १२ जनामा जन्डिसको संक्रमण देखिने गरेको बताउनुभएको छ । उहाँले नियन्त्रणका लागि उचित प्रयास नगरे समस्या जटिल हुने बताउनुभयो ।
०००००
