विराटनगर, भदौ ९ ।
मोरङ प्रहरीले विराटनगरस्थित भारतीय दुतावासको क्याम्प कार्यालय नजिक सुतली बम विष्फोट गराएको आरोपमा पाँचजनालाई आज पक्राउ गरेको छ । हिजो (मंगलबार) साँझ विराटनगरको रानी सडक खण्ड अन्तरगत क्याम्प कार्यालय नजिक सुतली बम विष्फोट भएको थियो । प्रहरीले संलग्न आरोपमा एक महिलासहित पाँचजनालाई नियन्त्रणमा लिएको जिल्ला प्रहरी कार्यालय मोरङका प्रवक्ता प्रहरी निरिक्षक ढुण्डीराज न्यौपानेले जानकारी दिनुभयो ।
प्रहरी नियन्त्रणमा पर्नेहरुमा विनय मण्डल, नित्यानन्द मण्डल, प्रकास यादव छन् । उनीहरुमाथि अनुसन्धान भईरहेको प्रहरीले बताएको छ । यस अगाडी पनि विराटनगर रानी सडक खण्ड अन्तर्गत पर्ने एमएम प्लाष्टिक उद्योगमा लक्षित गरी दुई पटक सुतली वम विष्फोट गराइएको थियो ।
