विराटनगर १६ भदौ ।
दलहरुले आह्वान गरेको अनिश्चितकालिन बन्दलाई सहयोग गर्ने नाममा बन्द उल्लंघन गरेको भन्दै मोटरसाइकल चालकसँग पैसा असुल्न खोज्ने पाँच जनालाई प्रहरीले विराटनगर १३ शान्तिचोकबाट पक्राउ गरेको छ । बन्दको समयमा मोटरसाइकल चलाएर बन्द उल्लंघन गरेको बहाना बनाउँदै मोटरसाइकल चालकसँग पैसा असुल्दै गर्दा उनीहरुलाई पक्राउ गरिउसको मोरङ प्रहरीका प्रवक्ता डिएसपी प्रमोद खरेलले जानकारी दिनुभयो । पक्राउ पर्नेमा विराटनगर १४ का २२ वर्षीय साहिर खान, विराटनगर १३ का २२ वर्षीय सुमन मण्डल, २४ वर्षीय राजन यादव, ३२ वर्षीय विन्देश्वर यादव र विराटनगर १८ का दारुपलाल यादव रहेको डिएसपी खरेलले बताउनुभयो ।
