इनरुवा, ५ असोज ।
मधेसविरोधी नेपालको संविधानलाई छिमेकी मुलुक चीनले समर्थन जनाएको भन्दै मधेस संघर्ष समिति सुनसरीले मंगलबार इनरुवामा चीनको राष्ट्रिय झण्डा जलाएको छ । जिल्लाका विभिन्न भेगबाट सदरमुकाम इनरुवामा भेला भएका मोर्चाका कार्यकर्ताहरुले मधेसी समूदायको हक अधिकार कुण्ठित हुनेगरी जारी भएको संविधानप्रति समर्थन जनाएको भन्दै चीनको झण्डा जलाएका हुन् । इनरुवास्थित सद्भावनाको पार्टी कार्यालयबाट निस्केको विरोध जुलुसले नगरका विभिन्न भागको परिक्रमापश्चात इनरुवा बजारमा प्रहरीलाई छक्याएर चीनको राष्ट्रिय झण्डा जलाएको हो । प्रमुख तीन दलले जबरजस्ती जारी गरेको संविधान पूर्णरुपमा मधेशविरोधी भएकाले संविधानप्रति चीनले समर्थन जनाएकोमा मोर्चाले आपत्ति जनाउँदै भत्र्सना गरेको छ । यसअघि मोर्चाले कालोपट्टी बाँधेर लाठीसहित जुलुससमेत निकालेको थियो ।
-Makalu
