बिराटनगर असोज ७ , तराईका जिल्लामा बन्द लागातार जारी रहेकाले सबै क्षेत्रमा ठूलो घाटा भई सक्दा पनि बन्द खुल्ने छाटकाट नदेखिएकाले अब बन्द खुलाउन बिराटनगरका व्यवसायी एकजुट हुने भएकाछन । बुधबार मोरङ व्यापार संघमा भेला भएका सबै क्षेत्रका व्यवसायी , पेशामा आवद्ध हरुको भेलाले बन्दले अर्बौंको क्षति भएकोले अब बन्द नखुले अबज्ञा गर्ने निर्णय गरेको छ । उक्त भेलाले मधेसी मोर्चालाई बन्द खुलाउन आग्रह पनि गरेको छ । भेलाले तीन दिनको अल्टिमेटम पनि दिएको छ ।
