विराटनगर १६ असोज ।
सुनसरी जिल्लाको औरावनी गाविसमा घर नजिकैको खोलामा डुबेर एक बालिकाको मृत्यु भएको छ । औराबनी ६ बस्ने सुशिल माझीको २ वर्षिया छोरी स्मारिका माझीको सोही गाविसमा पर्ने थलाहा खोलामा डुबेर शुक्रबार मृत्यु भएको हो । शुक्रबार अपरान्ह ४ बजेतिर खेल्ने क्रममा उनी घर नजिकै रहेको थलाहा खोलामा पुगेकी थिईन्। उनलाई स्थानीयवासीले उद्दार गरी उपचारार्थ नोबेल अस्पताल ल्याइएकोमा सोही अस्पतालमा सांझ साढे सात बजे उनको मृत्यु भएको हो ।
