भेडेटार १८ असोज । पर्यटकीय स्थल भेडेटार पुग्नेहरुले बाँसको भाटाबाट निर्मित कलात्मक थाली र नरिवलको बोक्राबाट बनाइएको कचौरामा स्थानीय स्तरमा उत्पादित अर्गा्निक स्वाद लिने गरेका छन् । होटल तथा रेस्टुरेन्टमा काँच, धातु र प्लास्टिकका भाँडाकुँडाको प्रयोग बढिरहेका बेला स्थानीय मनशान्त ग्यालरी एण्ड रिसोर्टले मौलिक थालीमा अर्गानिक स्वाद पस्कन थालेको हो । बाँस, भाटो र काठ कुँदेर बनाएका कलात्मक सामग्रीले गाउँले पर्यटकलाई लोभ्याउने गरेको छ । मनशान्त ग्यालरी एण्ड रिसोर्टका सञ्चालक रोजन राईले पर्यटकहरूलाई नयाँ पनको महशुस दिलाउन भान्सामा काठ, माटो, बाँस र नरिवलका खपटाबाट बनेका सामग्रीको प्रयोग बढाएको बताउनुभयो ।
