मोरङ, असोज १९
मोरङ जिल्लाको बिराटनगरबाट सशस्त्र प्रहरीले सोमबार लागुऔषधसहित दुई युवकलाई पक्राउ गरी नेपाल प्रहरीलाई बुझाएको छ।
सिमा सुरक्षा कार्यालय मोरङबाट खटिएको सशस्त्र प्रहरीको गस्ती टोलीले सुनसरी रामपुर गाविस ७ बस्ने बर्ष ३० को सुनिल पासवान र बिराटनगर १६ बस्ने बर्ष २८ को गोपाल रामलाई लागुऔषध कोरेक्स र स्पास्मोप्रोक्सिवन ट्याब्लेटसहित बिराटनगर २१ दरैयाबाट पक्राउ गरी इलाका प्रहरी कार्यालय रानीमा बुझाएको हो। उनीहरुको साथबाट ३० बोतल कोरेक्स र ७२० वटा स्पास्मोप्रोक्सिभन ट्यावलेट बरामद भएको छ।
पक्राउ परेका दुबैलाई इलाका प्रहरी कार्यालय रानीबाट थप अनुसन्धान भइरहेको छ।
