विराटनगर २० असोज । विराटनगरमा तेस्रो गंगाविसन राठी स्मृती पूर्वाञ्चल स्तरीय भेट्रान फुटबल प्रतियोगीता भोलिबाट सुरु हुने भएको छ । विराटनगर पोखरीया स्थित परोपकार घाटको खेल मैदानमा प्रतियोगीको तेस्रो संस्करण प्रतियोगिता सुरु हुने भएको हो । उद्योग व्यावसायी तथा समाजसेवी राठीको स्मृतिमा पोखरीयाको युनाइटेड स्पोटिङ क्लबले हरेक वर्ष फुटबल प्रतियोगीता आयोजना गर्दै आएको छ । यस प्रतियागितामा पूर्वका १४ वटा टिमले सहभागिता जनाएका छन् । प्रतियोगितामा एलेभेन एरोज भेट्रान क्लब दुहबी, पूर्व क्षेत्रीय प्रहरी तालिम केन्द्र विराटनगर, विराट चोक भेट्रान क्लब, हाटखोला भेट्रान क्लब, पूर्वाञ्चल ब्रदर्स भेट्रान क्लब लक्ष्मीमार्ग, सुकृत भेट्रान क्लब विर्तामोड, दमकलखनपुर भेट्रान क्लब, विध्वासीनि फुटबल क्लब विराटनगर, राजघाट भेट्रान क्लब उर्लाबारी, धरान भेट्रान क्लब, हाम्रो स्वास्थ्य भेट्रान क्लब विराटनगर तथा आयोजकका दुई युनाईटेड स्पोटिङ क्लब (हरियो) र युनाईटेड स्पोटिङ क्लब (रातो) रहेका छन् ।
प्रतियोगिताको विजेता तथा उपविजेताले नगद ५० हजार र ३० हजारका साथ ट्रफि जित्ने छन् । म्यान अफ द म्याच, म्यान अफ द सिरिज, सर्वाधिक गोलकर्ता लगायतको व्यक्तिगत पुरस्कारको खेलाडीले जित्ने छन् । प्रतियोगिता अन्तर्गत भोलीको उद्घाटन खेल एलेभेन एरोज क्लब र पूर्व क्षेत्रीय प्रहरी तालिम केन्द्रका बीच हुने आयोजक टिमले जनाएको छ ।
