सप्तरी, असोज २२
पूर्वपश्चिम राजमार्ग अन्तरगत सप्तरी जिल्लाको कंचनरुप नगरपालिकामा बिहिबार सांझ एम्बुलेन्स दुर्घटना हुँदा एम्बुलेन्समा सवार ६ जना घाइते भएका छन्।
दुर्घटनामा सिरहा जिल्ला लहान नगरपालिका १ बस्ने २२ वर्षिय बैजु गुप्ता, सोही स्थान बस्ने ३२ वर्षिय बलि प्रसाद साह, २५ वर्षिया पुष्पा गुप्ता, सिरहा नगरपालिका २ बस्ने ३० वर्षिय शंकर प्रसाद खड्गा र धनुषा जिल्ला जनकपुर नगरपालिका १ बस्ने ५० वर्षिय रामजीवन गुप्ता रहेका छन्। घाइते सबैजनालाई बिराटनगरस्थित न्युरो अस्पताल ल्याइएको छ।
बिहिबार सांझ करिब ८ बजे पश्चिमबा पूर्वतर्फ आउदै गरेको मे. १ च ३९२ नम्बरको एम्बुलेन्स कंचनरुप नगरपालिका ११ स्थित टेङग्रि खोलाको पुल नजिकै अनियन्त्रिय भई दुर्गटना भएको थियो।
घटनास्थलमा इलाका प्रहरी कार्यालय कंचनपुरबाट प्रहरी टोली खटिगई घाइतेहरुको उद्दार गरिएको थियो।
