मोरङ, असोज २७
मोरङ जिल्लाको बिराटनगरस्थित जोगबनी नाकाबाट मंगलबार लागुऔषधसहित चार युवा पक्राउ परेका छन्।
लागुऔषध नियन्त्रन ईकाई बिराटनगरबाट खटिएको प्रहरी टोलीले बिराटनगर ५ बस्ने वर्ष १७ को सुवर्ण आचार्य, वर्ष २० को राजु पोखरेल, सुकदेव उराव र वर्ष २६ को केवल बोहरालाई लागुऔषध स्पास्मोप्रोक्सिवन र नाइट्रोसनसहित पक्राउ गरेको हो।प्रहरीले उनीहरुलाई जोगबनीबाट आउदै गर्दा बिराटनगर २० मा रोकेर चेकजाँच गरेको थियो। उनीहरुको साथबाट १४४ थान स्पास्मोप्राक्सिवन चक्की र २० ट्याब्लेट नाइट्रोसन फेला परेको थियो।प्रहरीले उनीहरु सवार रहेको को. १७ प ६०२४ नम्बरको स्कुटर र एउटा साईकलसमेत नियन्त्रणमा लिएको छ। पक्राउ परेका चारैजनालाई थप अनुसन्धानकालागि इलाका प्रहरी कार्यालय रानीमा राखिएको छ।
