विराटनगर, कार्तिक ३ : विराटनगर भन्सार नाका हुँदै आज पेट्रोलियम पदार्थ बोकेका ३५ वटा सवारी साधन नेपाल भित्रिएका छन् । विराटनगर भन्सार नाका हुँदै साँझसम्ममा २४ वटा डिजेल र ११ वटा पेट्रोलका ट्याङ्करका साथै अन्य मालबाहक सवारी गरी ९० वटा सवारी साधन नेपाल भित्रीएका हुन् । यो नाकाबाट आज साँझसम्ममा ग्याँस भने नआएको विराटनगर भन्सार कार्यालयले जनाएको छ । यस्तै विराटनगर भन्सार नाकाबाट गएराति ४ वटा ग्याँसका बुलेट, ५ वटा डिजेलका ट्याङ्कर र अन्य मालबाहक सवारी गरी एक सय १५ वटा सवारी साधन नेपाल भित्रीएको भन्सार कार्यालयले जनाएको छ । नेपाल भित्रीएका इन्धनका ट्याङ्करहरुलाई प्रहरीले स्कर्टिङ गरी आयल निगमसम्म पु¥याएको छ । अघिल्ला वर्षहरुमा भन्सार कार्यालयमा आजदेखि दसैंको विदा हुने गरेको भएपनि आज भने सुचारु रहेको थियो ।
-Makalu
