बिनु तिम्सिना
बिराटनगर कार्तिक १०
जोगवनी नाकाबाट आज पेट्रोलियम पदार्थ बोकेका सात वटा गाडि नेपाल प्रवेश गरेको छ ।
गएको चार दिन देखि एउटा पनि पेट्रोलियम पदार्थ नभित्रीएको जोगवनी नाका हुँदै हिजो १५ वटा ग्यासका बुलेट र आज ७ वटा पेट्रोलियम पदार्थका गाडि नेपाल भित्रीएको हो । जोगवनी नाका हुँदै आज २ वटा पेट्रोल, २ वटा डिजेलका ट्याङ्कर र ३ वटा ग्यासका बुलेट नेपाल भित्रीएको भन्सार अधिकृत राजेन्द्र ढुङ्गानाले जानकारी दिनुभयो । साथै अन्य एक सय बढि मालबाहक सवारी साधनसमेत भित्रीएको उहाँले बताउनुभयो । मोर्चाको बन्दका कारण हिजो भित्रीएका २ सय बढि औद्योगोकि कच्चा पदार्थ र खाद्यान्नका कन्टेनरलाई पास गराउन नसक्दा भन्सार याड भरिएकाले आज अन्य मालबाहक सवारी भित्राउन समस्या भएको उहाँले बताउनुभयो । पेट्रोलियम पदार्थका गाडि लाइनमा लागेको भएपनि जोगवनी भन्सारले अन्य गाडिलाई क्रस गरेर पेट्रोयिम पदार्थ बोकेका ट्यांकरलाई अगाडि आउन नदिएपछि समस्या भएको भन्सार कार्यालयले जनाएको छ ।
