झापा, कार्तिक १५ गते ।
मोरङ जिल्लाको जाँते गाविसमा शनिबार यात्रुवाहक ट्याक्सी दुर्घटना हुँदा एक जनाको मृत्यु भएको छ भने अन्य सात जना घाइते भएका छन्।
बा. ४ च ४०७४ नम्बरको ट्याक्सी सडकबाट तल खस्दा उक्त ट्याक्सीमा सवार रमिते गाविस ८ बस्ने वर्ष ३५ को दिल बहादुर तामाङको घटनास्थलमै मृत्यु भएको छ। सोही ट्याक्सीमा सवार अन्य सात जना घाइते भएका छन्। गम्भिर घाइते पाँच जनाको बिराटनगरमा उपचार भइरहेको छ भने सामान्य दुईजनाको स्थानीय प्राथमिक स्वास्थ्य केन्द्रमा उपचार गराइएको छ।
शनिबार बिहान ०९३० बजे धनकुटा बुधबारे बजारबाट मोरङको लेटाङतर्फ आउदै गरेको उक्त ट्याक्सी जाँते गाविस ७ स्थित कच्ची सडकमा अन्दाजी २०० मिटर तल खसेको थियो।
