झापा, कार्तिक २०
झापा जिल्लाको कन्काई नगरपालिकामा आज बिहान ट्रकले मोटरसाइकललाई ठक्कर दिंदा मोटरसाइकलमा सवार दुई जनाको मृत्यु भएको छ।
ना. ४ ख १०२१ नं. को नम्बरको ट्रकको ठक्करबाट आज बिहान बा ५८ प ८१५६ नं. को मोटरसाइकलमा सवार सवार कन्काई नगरपालिका ९ का ४० वर्षिय लक्ष्मी थापा र २८ वर्षिय केशव बोहराको मृत्यु भएको छ।
पूर्वपश्चिम राजमार्ग अन्तरगत कन्काई नगरपालिका ८ स्थित सितलचौकमा बिहान करिब साढे दश बजे पश्चिमबाट पूर्वतर्फ जादै गरेको उक्त ट्रकले उनीहरु सवार मोटरसाइकलको पछाडी ठक्कर दिंदा सो मोटरसाइकल बिपरित दिशाबाट आउदै गरेको मे १ ख १८३२ नं. को बससंग ठोक्किएको थियो।
गम्भिर घाइते उनीहरुलाई उपचारकालागि बिर्तामोडतर्फ लैजानेक्रममा मृत्यु भएको हो।
ट्रक र बसका चालकलाई अनुसन्धानकालागि इलाका प्रहरी कार्यालय अनारमनिले नियन्त्रणमा लिएको छ।
