विराटनगर २९ कार्तिक । विराटनगरको रानी नाकाबाट २८ वटा इन्धनका गाडी नेपाल भित्रिएको छ । अन्य नाकाहरुबाट भने न्युन संख्या इन्धनका गाडी भित्रिएका छन् । अपरान्हसम्म रानी नाकाबाट १ सय २५ मालबाहक गाडी नेपाल आएकोमा २८ वटा इन्धनबाहक रहेको भन्सार प्रमुख कृणबहादुर बस्नेतले जानकारी दिनुभयो । जसमा डिजेलका १८ र पेट्रोलका ५ ट्यांकर छन् । बिराटनगरबाट ५ बुलेट ग्यास पनि नेपाल भित्रिएको जिल्ला प्रहरी कार्यलय विराटनगरले जनाएको छ । । शनिबार पनि विराटनगरबाट १३ वटा इन्धनका गाडी नेपाल भित्रिएका थिए । भैरहवा भन्सारबाट पनि अपरान्हसम्म १ सय २५ भन्दा बढि मालबाहक गाडी नेपाल आएको छ ।
