विराटनगर ८ मंसिर ।
विराटनगरको जोगवनी नाका हुँदै इन्धन आज दिउसो सम्म ५२ वटा ट्यांकरहरु प्रवेश गरेको भन्सार विराटनगर कार्यलयले जाएको छ ।। भारतीय पक्षले निर्यातलाई खुकुलो बनाउँदा आज विहानैबाट जोगवनी नाका हुँदै इन्धन भित्रन थालेको हो । विराटनगर भन्सार कार्यालयका अनुसार मध्यान्न १२ बजे सम्ममा इन्धन बोकेका ३० वटा गाडी नेपाल प्रवेश गरिसकेका जनाएको छ । जसमा २२ वटा डिजेल र सातवटा पेट्रोल बोकेका ट्यांकर छन् भने एउटा ग्यास बुलेट रहेको छ । इन्धन बाहेक अन्य सामग्री बोकेका ५० वटा मालबहाक सवारी साधन भित्रिइसकेका छन् । भारतीय पक्षले तिहार यता इन्धन आपूर्तिमा कडाई गर्दै आएको थियो ।
