सुनसरी, मंसिर १८ गते।
सुनसरी जिल्लाको पूर्व कुशाहा गाविसमा बिहिबार आगलागीबाट एक घर जलेको छ। पू्र्व कुशाहा गाविस ४ बस्ने माईला उरावको गाइगोठमा बालेको घुरबाट बिहिबार सांझ आगो सल्किएर आगालगी हुँदा उनको टाटी बेराले बनेको घर जलेको हो। आगलागीबाट उरावको एक सय पाँच मन खाधान्न, दुई वटा साइकल र ३ वटा चौपाया समेत जलेको छ। आगोले उनको अन्दाजी एक लाख असी हजार बराबरको क्षती भएको अनुमान गरिएको छ। आगलागी स्थानीय नेपाल प्रहरी, गाउँले र दमकलको सहयोगमा सोही सांझ नियन्त्रण गरिएको छ।
