अखिल हिन्दु महासभाका अध्यक्ष कमलेस तिवारीले इस्लाम धर्मगुरु मोहम्मद पैगम्बरलाई अपमान गरेको भन्दै मुस्लीम समुदायले आज विराटनगरमा विरोध र्याली निकालेका छन् ।
विराटनगरको गुद्रीबाट निस्केको र्यालीले जलजला चौक, डिएस्पीरोड, गोल्छा चौक हुदै सिडियो कार्यालयमा पुगेर कोणसभामा परिणत भएको थियो । ¥यालीमा सहभागीहरुले अखिल हिन्दु महासभाका अध्यक्ष तिवारी विरुद्ध नाराबाजी लगाएका थिए ।
नारा जुलुस सहित जिल्ला प्रशासन कार्यलय मोरङ अगाडि पुगेको सो समुदायले जिल्ला प्रशासन कार्यालय मोरङका प्रमुख जिल्ला अधिकारी गणेशराज कार्कीमार्फत परराष्ट्रमन्त्री कमल थापालाई ज्ञापनपत्र बुझाएका हुन । यस्तै कोणसभामा बोल्दै मुस्लीम धर्मगुरुहरुले आफना धर्मगुरुको अपमान गरेको आरोप लगाउदै त्यस्तो कार्य निन्दनीय भएको बताए । कार्यक्रममा मोहमद मुस्लीम मियाँ, सलीम अन्सारी, अहमद जफर जमाली लगायतले आफना धर्मगुरुप्रति अपशब्द प्रयोगगर्नेलाई कार्वाही हुनुपर्ने माग गरेका थिए ।
