बिराटनगर मंसिर २२ ,
बिराटनगर स्थित नोबेल मेडिकल कलेजमा नोबेल डेको अवसरमा एक हप्ता सम्म जारी रहने गरी अस्पताल वरिपरी सरसफाइ कार्यक्रम आयोजना गरिदै छ । नोबेल अस्पतालका सम्पुर्ण विद्यार्थी , डाक्टर , कर्मचारी लगायतले नोबेल अस्पताल सरसफाइमा सामेल भएको अस्पतालका प्रबन्धक नारायण प्रसाद दाहालले जानकारी दिनु भयो ।
नोबेल अस्पताललाई स्वच्छ राख्न यस्तो अभियान संचालन गरिएको दाहालले बताउनु भयो । यस्का साथै अस्पताल भित्र अब पान , गुट्का , खैनी समेत खान प्रतिबन्ध लगाइएको पनि दाहालले बताउनु भयो । नोबेल अस्पताल वरिपरी बिभिन्न फुलका बिरुवा रोपी अस्पताललाई रमणिय बनाउने लक्ष्य सहित अस्पतालका डाक्टर , कर्मचारी समेतलाई आ-आफ्नो तर्फबाट बिरुवा ल्याउन समेत आव्हान गरिएको दाहाल थप्नुहुन्छ ।
