सुमन तिम्सिना
विराटनगर, पुस १२ – केही दिनदेखि सामान्य बन्दै गएको विराटनगर आइतबार बिहानैदेखि तातेको छ । मधेसी मोर्चाका कार्यकर्ता र प्रहरीबिच शनिबार दिउँसो रानी भन्सार कार्यालयमा झडप भएपछि विराटनगरमा आन्दोलन थालेको हो ।
केही दिन अघिदेखि यातायात, शैक्षिक क्षेत्र, तथा व्यापार व्यावसाय सामान्य बनेको विराटनगर क्षेत्रमा आइतबार बिहानैदेखि बजार ठप्प भएको छ । मोर्चाका कार्यकर्ता बजार बन्द गराउँदै हिँडेका छन् ।
शनिबार रानी भन्सार क्षेत्रमा धर्नामा बसेका मोर्चाका कार्यकर्तालाई हटाउने क्रममा झडपमा परि सद्भावना पार्टीका अध्यक्ष राजेन्द्र महतो घाइते भएपछि राजेन्द्र महतोको निर्देशनमा विराटनगर बजार बन्द भएको हो ।
